Një nga vjedhjet më të mëdha të bëra padyshim ka qenë ajo që stomatologia Olesia Duka i ka bërë biznesmenëve që kishin marrëdhënie pune me të.
Megjithatë ditën e sotme prokurori i çështjes, Madrid Kullolli, ka kërkuar 15 vite heqje lirie për stomatologen, ndërkohë që e pandehura ka kërkuar gjykim të shkurtuar.
Megjithatë mendohet se Duka do të dënohet me 10 vite heqje lirie. Ajo që duhet përmendur është se pretenca u lexua në mungesë të së pandehurës, pra stomatologia nuk është e pranishme në sallën e gjyqit në momentin që është dhënë ky vendim nga prokuroria. Tashmë gjithçka mbetet në dorën e gjykatës, e cila mendohet që vendimin do ta japë në seancën e radhës.
Historia e Olesia Dukës është zbuluar shkurtin e kaluar, ku është akuzuar nga një biznesmen për vjedhje. Ajo Duka ka përdorur rrjetet sociale për krijimin e një statusi të rremë me qëllim vjedhjen e pasurisë nga shtetas të ndryshëm duke u paraqitur si grosiste dhe zotëruese e parë e tregut të lëndës “Zirkon” për shërbime stomatologjike dhe nëpërmjet shpërdorimit të besimit dhe gënjeshtrës, përfitonte nga biznesmenë të kësaj fushe, sasi të mëdha parash me premtimin për t’ju dërguar lëndën e parë me çmim shumice favorizues, mall të cilin nuk jua dërgonte.
Kështu që, më datë 25 shkurt të vitit 2018 policia vendos dhe ekzekuton urdhrin për arrestimin e Dukës për kryerjen e veprës penale “Mashtrim”.
(Të dhënat e plota rreth historikut të çështjes së Olesia Dukës mund t’i lexoni duke klikuar këtu, në artikullin e Gazeta Reforma)
