Ish-ministri i Shëndetësisë, Ilir Beqaj, është thirrur sot për të dëshmuar në Komisionin Hetimor për Shërbimet Publike të Sterilizimit dhe Check-Up në Shëndetësi.
Aktualisht, Beqaj ndodhet në burg, i akuzuar për shpërdorim të fondeve të SASPAC, dhe është nën hetim për koncesionin e Sterilizimit, ku ndaj tij është vendosur masa “detyrim paraqitje”.
Beqaj do të shpjegojë rolin e tij në lidhje me koncesionin e Sterilizimit, ndërsa hetimet për këtë çështje janë intensifikuar.
Një ditë më parë, në këtë komision ka dëshmuar edhe biznesmeni Ilir Rrapaj, gjithashtu i arrestuar në lidhje me këtë koncesion. Hetimet vijojnë për të zbardhur të gjithë dinamikën e dhënies dhe menaxhimit të këtij koncesioni të kontestuar.
AKUZA PËR BEQAJN
Të paktën tetë shërbimet e prokuruara në kuadër të ngjarjeve: ‘Mbi organizimin e Konferencës Festa[E Ardhmja e Turizmit të Qëndrueshëm Mjedisor në Shqipëri]’, si dhe ‘Konferenca e Energjetikës’, organizuar në vitin 2023 nuk u janë nënshtruar një procedure prokurimi të rregullt, por fituesi është dakordësuar dhe përcaktuar shumë më para se të realizohet procedura e prokurimit, e cila është kryer në mënyrë fiktive më pas, për efekt dokumentacioni dhe pagese,- thuhet në njoftimin e SPAK
