Në Gjykatën e Posaçme për Korrupsionin dhe Krimin e Organizuar, po zhvillohet seanca paraprake ndaj ish-ministrit të Shëndetësisë, Ilir Beqaj, lidhur me akuzat për shpërdorim të detyrës në kuadër të konçensionit të sterilizimit.
Seanca, ku Beqaj ka paraqitur tre kërkesa paraprake që janë rrëzuar nga gjykata.
Ish-ministri kërkoi që në proces të ishte i pranishëm Avokati i Shtetit, që seanca të zhvillohej e hapur për mediat, duke argumentuar se nuk ka më sekrete të ruajta, dhe që të thirrej si kallëzuese Nisma Thurje, që pati denoncuar këtë konçension në SPAK. Megjithatë, gjykata i refuzoi të gjitha këto kërkesa.
Në seancën e sotme, Beqaj ka kërkuar pushimin e akuzës ndaj tij, ndërsa seanca është shtyrë për javën e ardhshme. Do të jetë gjykata ajo që do të vendosë nëse dosja do të kalojë në gjykim, do të rikthehet për hetime të mëtejshme në SPAK, ose do të pushojë çështjen.
Beqaj akuzohet për shpërdorim të detyrës në lidhje me kontratën e konçensionit të sterilizimit, dhe është arrestuar nga SPAK për shpërdorim fondesh dhe korrupsion, ndërsa prokuroria po e heton gjithashtu për fshehje pasurie.
Gjykata pritet të japë vendimin e saj pas shqyrtimit të kërkesave dhe rrethanave të hetimit.
