Deputetja e PD-së, Ina Zhupa, ka treguar ngjarjet që ndodhën dje në Komisionin Hetimor për Shëndetësinë, ku i pranishëm për të dëshmuar ishte ish-ministri Ilir Beqaj.
Zhupa ka deklaruar se deputetët e PD-së janë kërcënuar nga Beqaj gjatë seancës, duke theksuar se ish-ministri u hakërrye me deputetët opozitarë.
Ajo shtoi se Garda dhe Policia e Burgjeve nuk e kanë kryer siç duhet detyrën e tyre për të siguruar rendin gjatë kësaj seance.
Dëshmitarët kyç në Komisionin Hetimor për Shëndetësinë janë Edi Rama dhe Ilir Beqaj. Beqaj qëndroi i lirë në katin e fundit të Kuvendit. Beqaj iu hakërrua deputetëve, Garda dhe Policia e Burgjeve nuk kryen detyrën. Z Beqaj mori atribute që nuk i takonin, këto privilegje ia ka dhënë Rama e Spiropali. Beqaj hapi derën dhe tha “qepe gojën ti, kush je ti”, iu hakërrua të gjithë deputetëve që ishin në sallë. Beqaj i tha dhe me shenja zotit Spaho që ‘mbylle gojën se ta tregoj unë’. Kjo nuk është skenë normale. Beqaj duhet të ishte shoqëruar nga Policia e Burgjeve. Ilir Beqaj ishte pa pranga dhe ka hyrë në sallë pa pyetur askënd. Pas kësaj, kam telefonuar komandantin e Gardës dhe Garda erdhi dhe largoi zotërinjtë aty, përsëri pa rregullore, sërish sikur thuhej se Kuvendi është më shumë në shërbimin tonë sesa vendi juaj si deputetë. Afera që ne po hetojmë ka një gropë financiare 250 milionë euro, që janë para të shqiptarëve,- tha Zhupa.
