Ndërkohë që numri i të infektuarve të rinj me Covid-19 po shtohet çdo ditë e më shumë, ku gjatë dy javëve të fundit kemi parë një rritje drastike ku tejkaloheshin edhe 300 raste të reja brenda 24 orëve, në deklarimet zyrtare të Ministrisë së Shëndetësisë, vihen re disa “dyshime dhe manipulime”.
Gjatë njoftimit zyrtar të përditësimit të buletinit ditor, Ministria e Shëndetësisë i nxjerr rastet e reja, rastet e shëruara dhe rastet e shtruara në spitalet Covid 1 dhe Covid-2.
Mirëpo gjatë gjithë njoftimeve, shikohet se kapaciteti i shtretërve për personat e shtruar, varion gjithmonë nga 250-275 shtretër.
Këtu shikohet një avari e jashtëzakonshme që hedh poshtë edhe manipulimet propagandistike të qeverisë dhe Ministrisë së Shëndetësisë.
Edhe pse propaganda thotë dhe trumpeton se janë në gatishmëri të plotë spitalet Covid-3 dhe Covid-4 dhe se ka kapacitete të plota, terreni thotë krejtësisht të kundërtën.
Mëposhtë janë edhe disa nga njoftimet zyrtare të Ministrisë së Shëndetësisë përgjatë ditëve të fundit, ku shihet qartë në bazë të dhënave se numri i shtretërve lëviz gjithmonë brenda marzhit 250-285./GazetaReforma.com/
