Kanë dalë para gjykatës së Lezhës dy bashkëpunëtorët e vëllait të deputetit të Partisë Socialiste, Eduart Ndreca, Armandos. Armel Nikdukaj dhe Elvis Shpellzai të cilët u kapën në flagrancë disa ditë më parë në Kashnjet të Lezhës për kultivimin e lëndëve narkotike, janë lënë në burg. Ndërkohë për Armando Ndrecën, vëllain e deputetit socialist Eduart Ndreca, i cili është shprehur se nuk ka lidhje me drogën, Gjykata ka vendosur masën e sigurisë ‘detyrim paraqitje’.
Armando Ndreca, vëllai i deputetit të PS, Eduard Ndreca është ndaluar nga Policia e Lezhës, ndërsa kunati i tij, Armel Nikdukaj dhe shoku i të dyve Elvis Shpellzai janë vënë në pranga pas një aksioni në pyllin e fshatit Kashnjet që zbuloi një stan të përshtatur për kultivim kanabisi. Ferma e kanabisit ishte ngritur në një stan, në pyjet e fshatit Kashnjet, ku kishin gjatë për të mbjellë gati 3000 fidanë kanabisi.
