Ekspertët paralajmërojnë se varianti shumë ngjitës në Brazil mund të ketë efekte të mëdha në rajon dhe më gjerë. Sistemet shëndetësore në shumicën e qyteteve më të mëdha të Brazilit janë afër kolapsit për shkak të rasteve Covid-19, paralajmëron instituti kryesor shëndetësor i vendit.
Më shumë se 80% e shtretërve të njësive të kujdesit intensiv janë zënë në kryeqytetet e 25 prej 27 shteteve të Brazilit, tha Fiocruz, raporton BBC. Ekspertët paralajmërojnë se varianti shumë ngjitës në Brazil mund të ketë efekte të mëdha në rajon dhe më gjerë.
“Brazili është një kërcënim për njerëzimin,” tha për agjensinë e lajmeve AFP epidemiologu i Fiocruz, Jesem Orellana.
Vendi ka regjistruar më shumë se 266,000 vdekje dhe 11 milion raste që nga fillimi i pandemisë. Ajo ka numrin e dytë më të lartë të vdekjeve në botë pas SH.B.A. dhe numrin e tretë më të lartë të rasteve të konfirmuara. Përkundër kësaj, Presidenti Jair Bolsonaro vazhdimisht ka kundërshtuar masat e karantinës dhe këshillat e ekspertëve për luftimin e koronavirusit.
Shpërthimi i pakontrolluar i koronavirusit në Brazil është një kërcënim për njerëzimin dhe mund të heq shpresat e vënies nën kontroll të pandemisë, paralajmërojnë ekspertët. Vendi po shkatërrohet nga varianti vdekjeprurës P1 nga Manaus, i cili është të paktën dy herë më ngjitës dhe është treguar se ri-infekton pacientët që tashmë kanë pasur variante të vjetra.
