Në Kuvend vijon të mbahet senca maratonë, që pritet të finalizohet me miratimin e paketës së “Anti-shpifjes”.
Pak minuta më parë Ministrja e Shtetit për Marrëdhëniet me Parlamentin, Elisa Spiropale, ka sulmuar nga foltorja e Kuvendit ish-kryeminstrin Sali Berisha.
Ajo akuzon këtë të fundit se pesë gazetarë i rrinë sus, pasi kanë frikë nga hija e plumbave të tij.
“U ka thyer hundën, i ka bërë të vdekur, dhe akoma kanë frikë nga hija e tij, i rrinë 5 gazetarë sus drejt, doktor-doktor, se akoma i tremb hija e plumbave të tij në bulevard.”
Përsa i përket paketës “Anti-shpifje” ajo tha se Opozita as që e kupton për se bëhet fjalë.
Zëdhënësja e qeverisë u shpreh se portalet keqinformojë, duke kujtuar edhe rastin e fake-news për tërmetin në shtator.
“Nuk kanë asnjë fakt, jo vetëm që nuk e kanë lexuar por as e kuptojnë që bëhet fjalë për një identifikim, mos t’i duhet të shkojë në dyert e gjykatë, por të ketë mundësi të komunikojë me portalin.Nuk e kuptojnë farë se kanë të bëjnë me një identifikim dhe qytetarët.I shpallin njerëzit kriminelë, ndiq nëpër gjyqe.Ai tjetri që është i rrethuar, thoshte dil në 11 nga tërmeti jashtë.I njëjti e shpallte Gërdecin dëmtim natyror, ndërsa tërmetin e kishte fajin kryeministri.”
Më herët Rama u zotua se paketa do miratohet sot.
Ndërkohë protesta e gazetarëve kundër “Anti-shpifjes” ka përfunduar.
