Spastrime në radhët e gardianëve në burgje. 295 punonjës të burgjeve janë pushuar për futjen e sendeve të paligjshme, deklaroi Etilda Gjonaj, ministrja e Drejtësisë. Çështjet kanë përfunduar në gjyqe, por ministrja tha se institucioni ka fituar 60 përqind të rasteve. Në interpelancën e thirrur nga deputeti Lefter Maliqi, ministrja Etilda Gjonaj, pojoi se 110 të dënuar janë futur në izolim.
“Për tre vjet 937 kallëzime penale, larguam 295 punonjës të burgjeve për futjen e sendeve të palejuara në burg. Kjo ka ndodhur sepse ligji është aty për gjithë. Për herë të parë u aplikua një regjim i mbikëqyrjes së veçantë. 110 të dënuar që kanë thyer rëndë që kanë thyer sigurinë dhe rendin në Burgje. Punësimet e të punonjësve sipas preferencave partiake dhe pa praktikë nuk është më. Pagat e punonjësve në burgje janë rritur me 11%. Stafi u pajis sot me uniformë ku u plotësuan në masën 80%. Sot falë ligjeve të reja punonjësit kanë një trajtim më të mirë, me grada dhe trajtim profesional. Drejtoria e Burgjeve ka arritur të fitojë 60% të proceseve gjyqësore, kemi ulur mbipopullimin në Burgje me 21%”, tha Gjonaj.
Ajo nuk foli për grevën e të dënuarve në Peqin e Shën Koll, por tha se tani takimet me familjarët e të burgosurve bëhen me Skype.
“Menaxhuam situatën e tërmetit në Burgje, dhe tani prej 8 muaj që po menaxhojmë pandeminë dhe numrat kanë qenë në nivele shumë të ulëta. Por për këtë kufizuam takimet me familjare, që i kemi zëvendësuar për herë të parë me Skype. Ka ende shumë për të bërë, por siç është rasti i Zaharisë në Krujë. po marrim masat që të mbyllim Zaharinë në Krujë pas 30 vjetësh. Shqetësim ka qenë dhe greva në burgun e Peqinit, që filloi nga 41-bis. Përveç një hetimi që po kryhet nga një procedim në prokurori për të hetuar me kërkesën time këtë gjë”, deklaroi Gjonaj.
I pakënaqur me përgjigjet, deputeti Lefter Maliqi, tha:
“Korrupsioni, tenderët korruptiv, protesta dhe greva e të burgosurve. Jeni të keq përdorur nga kryeministri, të përgjigjesh të paktën 50% të realitetit. Besoj që duhet të jesh transparente”
/GazetaReforma.com/
