Sot starton “Euro2020”. Do të jenë 24 skuadra pjesëmarrëse në kompeticionin e madh continental, ku favorite shihen Portugalia si kampione në fuqi e Europës dhe Franca, kampione e botës. Dy janë skuadrat që do të bëjnë debutimin e tyre në këtë europian, Maqedonia e Veriut dhe Finlanda.
Kombëtarja spanjolle ka hapur “thesin” për lojtarët e tyre në rast fitimi të EURO 2020. Sipas “Elconfidencial.com” Federata spanjolle ka vendosur që çdo futbollist të përfitojë 400 mijë euro në rast suksesi.
Premio është 17% më i lartë se ai i regjistruar në Europianin e fundit të vitit 2016. Spanja është në Grupin E, me kundërshtarë si Suedia, Polonia dhe Sllovakia.
Futbollisti i Rusisë Andrei Mostovoi ka braktisur përfaqësuesen pasi rezultoi pozitiv me COVID-19. Trajneri i përfaqësueses ka arritur ta zëvendësojë lojtarin me atë të Dinamos së Moskës, Roman Evgenjev.
Të gjithë lojtarët e tjerë kanë rezulutar negativë, por frika e një përhapjeje ekziston dhe nesër luhet ndeshja Rusi-Belgjikë në Shën Petersburg.
Për shkak të COVID, “Euro 2020” ka pësuar edhe ndryshime në rregulloren e saj. Kështu UEFA konfirmoi shtimin e numrit të të grumbulluarve për këtë kompeticion nga 23 në 26 lojtarë, me skuadrat që janë të autorizuara të aplikojnë rregullin e 5 zëvendësimeve në ndeshjet me eliminim direkt që shkojnë në kohë shtesë.
