Prokuroria e Posaçme Antikorrupsion (SPAK) ka publikuar një njoftim zyrtar për operacionin e zhvilluar një ditë më parë, i cili u realizua në bashkëpunim me Europol, dhe për të cilin u lëshuan 21 masa arresti.
Në këtë njoftim, SPAK shpjegon rolin e gazetarëve Artan Hoxha dhe Elton Qyno, ndaj të cilëve është vendosur masa e detyrimit të paraqitjes.
Sipas SPAK, dyshohet se gazetarët ishin të përfshirë në një strategji të grupit të Suel Çelës për të manipuluar informacionin dhe për të ndikuar në opinionin publik.
Kjo veprimtari, sipas SPAK, kishte si qëllim rritjen e pozitatave të Çelës dhe dënimin e interesave të rivalëve të tij.
Hoxha dhe Qyno, përfitues të mjeteve monetare të paligjshme, dyshohet se kanë mbajtur qëndrime në media dhe kanë publikuar artikuj dhe video që kanë keqinformuar dhe manipuluar opinionin publik.
Njoftimi i SPAK
M.L ka synuar të manipulojë perceptimin publik, duke i paraqitur rivalët e tij si të paprekshëm për shkak të lidhjeve të dyshuara që ata mund të kenë me politikën. Trysnia për hetime pasurore në kuadër të OFL-së dhe nxitja e mediave për të marrë dëshmi nga individë që mund të inkriminojnë rivalët e tij do të krijonin, sipas tij, në opinionin publik perceptimin se këta rivalë, për shkak të lidhjeve të dyshuara politike, janë bërë “të paprekshëm”.
Kjo strategji, e cila përfshin manipulimin e informacionit dhe ndikimin në opinionin publik, jo vetëm që do të rriste pozitat e tij, dhe në të njëjten kohë do të dëmtonte interesat e rivalëve.
Dyshohet se këto synime i ka realizuar përmes bashkëpunimit me gazetarët A.H. dhe E.Q, të cilët kundrejt përfitimeve monetare të paligjshme kanë mbajtur qëndrime në media, si dhe kanë publikuar artikuj dhe video që keqinformonin dhe manipulonin opinionin publik.
