Arben Kraja dhe tetë prokurorë që do të jenë pjesë e SPAK u betuan sot para Presidentit.
Lidhur me këtë vendim ka reaguar edhe Ylli Manjani, ish-ministër i Drejtësisë.
Në një lidhje direkte për emisionin Opinion, Manjani ka thënë se, bazuar në kompetencat që i janë dhënë, SPAK-u të bën gjëmën.
“SPAK ishte thelbi i reformës në drejtësi, kjo ka qenë çështja më shumë konsensuale. Ca politikanë e kanë votuar nga belaja, ca nga sikleti… Ca nga dëshira për të qenë më shumë amerikanë se amerikanët. Nëse lexoni ligjet si është ndërtuar kjo strukturë, ajo është strukturë monstër. I lejohet të bëjë çdo gjë, të përgjojë, të gjëmon…
Ideja e krijimit të SPAK ishte që të krijohet një bërthamë e fortë shtetërore, e pavarur në ekstrem. Me qëllim që të kishte dy funksione, lufta kundër korrupsionit dhe BKH me krimin e organizuar dhe trafiqet”, tha më tej ish ministri i Drejtësisë, duke theksuar se kjo strukturë ka të drejtë të hetojë nga Presidenti, Kryeministri, ministrat etj. ”, tha Ylli Manjani.
Kjo shkon në kundërshtim me qendrimin e Manjanit një vit më parë.
Në një postim në Facbook ai shkruante se zgjedhjet e NDERSHME dhe SPAK janë vettingu i vërtetë për çdo zyrtar e Politikan
Postimi i plotë
” Zgjedhjet e NDERSHME dhe SPAK i pavarur janë vettingu i vërtetë për çdo zyrtar e Politikan!
Të tjerat janë “m’ka çu nana me la gojën”…”
