Ilir Meta, kreu i Partisë së Lirisë, shprehu sërish kritikat e tij ndaj Prokurorisë së Posaçme, duke deklaruar se kjo e fundit mund të hetojë këdo që të dëshirojë. Ai tha: “Për SPAK-un, Ilir Meta është këtu dhe do të vazhdojë të jetë. Që nga viti ’92, kur isha i ri dhe më thërrisnin çdo javë për të ikur jashtë vendit për të shmangur arrestimin, unë iu përgjigja atyre se isha këtu përballë tyre. Atëherë isha vetëm 22 vjeç, dhe një prokurore më thirri për të më intimiduar. I thashë asaj se unë isha deputet dhe nuk kisha ardhur për të humbur kohën me të. Tani, unë dhe ajo jemi bashkë në luftën tonë për demokraci. Le të hetojë SPAK kë të dëshirojë, por ata nuk mund të përdorin njerëz të dobët kundër meje ose partisë sime. Ku janë pasuritë e mia? Ata shkojnë në banka për t’i sekuestruar gjithçka. Nëse situata përkeqësohet, do të vendos një krevat te shtëpia e nënës sime, Selvia. Po ashtu, kemi edhe selinë e partisë. SPAK-u nuk duhet të mendojë se mund të na manipulojë, pasi do të përfundojë si prokuroret në Maqedoni që luftuan korrupsionin dhe përfunduan duke u larguar me valixhe”, theksoi ai.
Presioni sistematik i Ramës kundër gjyqësorit: Disa sulme brenda njëzet e katër orëve, fushatë me mediat e kapura dhe gënjeshtrat për botën
Edi Rama ka një problem me gjyqësinë. Jo vetëm me SPAK-un që po heton anëtarë të qeverisë së tij, por...
