Prokuroria e Posaçme ka shpallur pretencën për ish-drejtoreshën e Autoritetit Rrugor Shqiptar, Sonila Qato, duke kërkuar dënimin e saj me 1 vit burg për shpërdorim detyre lidhur me aksin rrugor Kardhiq-Delvinë. SPAK ka kërkuar gjithashtu që Qato të mos ushtrojë funksione publike për 5 vite.
Ajo akuzohet për disa vepra penale, përfshirë “shpërdorim detyre”, “shkelje e barazisë në tendera”, “falsifikim dokumentesh” dhe “korrupsion pasiv të personave që ushtrojnë funksione publike”.
Çështja ka nisur pas një raporti të Kontrollit të Lartë të Shtetit, i cili ka zbuluar shkeljet dhe e ka referuar çështjen në prokurori. Për këtë çështje janë akuzuar gjithashtu Elona Gogo, Simon Prendi, Arbër Troka, Ariana Hasani, Erdit Salillari dhe Almir Hoxhaj.
Po ashtu, nën hetim janë edhe Nikollaq Mihali, Miranda Shkurti dhe Admir Pahumi.
