Në bazë të kërkesës së SPAK, Gjykata e Posaçme e Shkallës së Parë kundër Korrupsionit dhe Krimit të Organizuar, me vendimin nr. 640 të datës 15 nëntor 2024, ka vendosur masën e sigurimit pasuror “Sekuestro preventive” për dy prona të regjistruara në emër të shtetasve Fatime dhe Monika Kryemadhi.
Pasuritë e sekuestruara janë:
Ndërtesë në Selitë, Tiranë me sipërfaqe;
Kati përdhes, 152 m2, nga të cilat 82 m2 banesë dhe 70 m2 verandë;
Kati nëntokë 139 m2,
Kati i parë 79 m2,
Kati i dytë 51 m2, verande kati i dytë 27.9 m2 – në pronësi të shtetases F.K., me adresë Rezidenca “Kodra e Diellit”.
Ndërtesë në Selitë, Tiranë me sipërfaqe;
Kati përdhes 152 m2, nga të cilat 82 m2 banesë dhe 70 m2 verandë,
Kati nëntokë 139 m2,
Kati i parë 79 m2,
Kati i dytë 51 m2, verandë kati i dytë 27.9 m2, në pronësi të M.K.,me adresë Rezidenca “Kodra e Diellit”.
Vendimi i Gjykatës së Posaçme është ekzekutuar nga policia gjyqësore më 19 dhe 20 nëntor 2024, e cila ka ndërmarrë masën e bllokimit të pasurive në regjistrat e Agjencisë Shtetërore të Kadastrës, si dhe duke ua komunikuar edhe pronarëve të pasurive të prekur.
