Prokuroria e Posaçme ka ripërsëritur kërkesën për dërgimin në gjyq të deputetit demokrat Asllan Dogjani.
SPAK ka dorëzuar në gjykatë aktet shtesë të kërkuara nga GJKKO, ndërkohë që prokurorja Manjola Kajana kërkoi që çështja ndaj Dogjanit të kalojë për gjykim.
Mbrojtësi ligjor i Dogjanit, Përparim Kulluri, kërkoi kohë për të paraqitur kundërshtimet, kërkesë që u pranua nga gjykata.
Seanca e radhës paraprake është caktuar për më 8 maj.
Dogjani akuzohet nga SPAK për “refuzim për deklarimin, mosdeklarimin, fshehje ose deklarim të rremë të pasurisë”, lidhur me një apartament prej rreth 100 metër katrorë, që ai thotë se e ka fituar përmes këshillimit juridik.
