Porkuroria e Posaçme Kundër Korrupsionit dhe Krimit të Organizuar ka përfunduar procedurat ligjore për të shpallur në kërkim ndërkombëtar ish-Prokurorin e Përgjithshëm Adriatik Llalla.
Ditën e djeshme Policia i ktheu përgjigje SPAK-ut, pasi kërkimet për Llallën rezultuan pa sukses. Me anë të një shkrese zyrtare, Policia e Tiranës njoftoi Prokurorinë e Posaçme se Llalla nuk është gjendur. Sipas policisë, është bërë çdo kërkim me metoda speciale, por nuk ka dhënë rezultat, ndaj nga SPAK është kërkuar që Llalla të shpallet në kërkim ndërkombëtar.
Ndërkohë, nga verifikimet ka rezultuar se Llalla u largua jashtë vendit pak ditë para se të shpallej vendimi i gjykatës.
Kujtojmë që Gjykata mori vendimin për të dënuar me dy vite burg ish-kryeprokurorin Adriatik Lalla e për të konfiskuar pasuritë e gjithashtu përjashtimi për pesë vite nga funksionet publike.
Pas vendimit të Gjykatës, Policia shkoi në shtëpinë e Llallës, por nuk e gjety aty. Megjithëse mungoi një komunikim për mediat, pas këtij momenti ish-Prokurori i Përgjithshëm u shpall zyrtarisht në kërkim kombëtar.
Ndër të tjera, SPAK nuk ka bërë të ditura detaje të shumta rreth vendimit të ditës së sotme, duke thënë se është duke bërë procedurat që parashikon ligji dhe nuk mund të japë më tepër informacione.
