Kreu i Këshillit të Lartë të Prokurorisë, Gent Ibrahimi, ishte i pranishëm ditën e sotme në një seancë dëgjimore në Komisionin e Pavarur të Monitorimit të Zbatimit të Ligjit për organet e qeverisjes në sistemin e drejtësisë.
Gjatë fjalës së tij, Ibrahimi sqaroi arsyet se pse po vonohet krijimi i SPAK, shkruan “Balkanweb”.
Sipas tij, sot nuk ka SPAK, pasi nuk ka përfunduar procesi i vettingut me vendim të formës së prerë.
Më tej ai shtoi se KLP do të marrë një vendim, nëse SPAK mund të fillojë punën me 10 anëtarë.
“KLP ka miratuar listën prej 15 kandidatë për anëtarë te SPAK. Ende sot nuk ka SPAK sepse ende nuk ka përfunduar procesin e vettingut me vendim të formës se prerë. KLP do i duhet të marrë vendim nëse mundet që SPAK të krijohet me më pak se 10 anëtarë, apo ka imponim kushtetues. Na takon ne të themi nëse është e mundur apo jo që SPAK të nisë me 10 anëtarë. Ne marrjen e këtij vendimi do na duhet të marrim parasysh edhe disa elemente praktikë”-tha Ibrahimi.
Përsa i përket zgjedhjes së kryeprokurorit të përgjithshëm, Ibrahimi tha se do të respektohet barazia mes kandidatëve, në mënyrë që gjithsecili të tregojë vlerat.
“Kur hapen gara për pozicione të rëndësishme si kryeprokurori, këshilli ka detyrën të vë në kushte të barabarta kandidatët. Rregulloret q ë n ë bëmë, në llogari të fundit të mos kishte asnjë pabarazi mes kandidatëve. Kandidat ët kanë mundësinë të tregojnë vlerat e tyre”, vijoi kreu i KLP.
