Gjykata e Posaçme e Apelit pritet të japë vendimin e saj këtë të premte lidhur me ankimin e SPAKpër të mos hetuar çiftin Olta Xhaçka dhe Artan Gaçi.
SPAK ka apeluar vendimin e Gjykatës së Posaçme, e cila kishte urdhëruar fillimin e hetimeve ndaj Xhaçkës dhe bashkëshortit të saj për ndërtimin e një resorti në bregdet, që është shpallur si investitor strategjik nga qeveria.
Seanca do të mbahet sot në orën 10:00 në Apelin e Posaçëm për të shqyrtuar kërkesën e SPAK.
Më 1 prill 2025, Gjykata e Posaçme urdhëroi që SPAK të regjistrojë kallëzimin penal dhe të nisë hetimet ndaj dyshuarve për akuzat e shpërdorimit të detyrës, falsifikimit të dokumenteve dhe pastrimit të produkteve të veprës penale.
Ky vendim erdhi pas shqyrtimit të ankimit të eurodeputetit Fredi Beleri, i cili kërkoi që të shfuqizohej vendimi i SPAK-së për të mos nisur hetime ndaj çiftit Xhaçka-Gaçi.
