Prokuroria e Posaçme ka kërkuar konfiskimin e pasurive të Ervis Martinajt, pasi ato rezultojnë të pajustifikuara nga burime të ligjshme.
Hetimet kanë nxjerrë në pah se pasuritë janë të lidhura me veprimtari kriminale. Lista e pasurive të sekuestruara përfshin 31 objekte, përfshirë kompani, 5 automjete, toka, një vilë në Surrel dhe një llogari bankare me 1.878.299 lekë.
Pasuritë e Martinaj dhe familjarëve të tij u sekuestruan në shkurt 2023, ndërsa Martinaj është i zhdukur që prej 9 gushtit 2022. Edhe pas dy vitesh e gjysmë, autoritetet nuk kanë mundur të konfirmojnë nëse ai është gjallë apo i vdekur.
Njoftimi:
“Prokuroria e Posaçme regjistroi procedimin e mësipërm, për hetimin pasuror të shtetasit Ervis Martinaj, i dyshuar për veprat penale: “Sigurimi i kushteve dhe i mjeteve materiale për të kryer vrasje”, në dëm të shtetasit Indrit Dokle, kryer në bashkëpunim të posaçëm të grupit të strukturuar kriminal, “Grupi i strukturuar kriminal”, “Kryerja e veprave penale nga grupi i strukturuar kriminal dhe organizata kriminale”, parashikuar nga nenet 80, 28/4, 333/a/1, 334 të Kodit Penal si dhe personave të lidhur me të.
Mbi bazën e dispozitave të ligjit nr.10192 datë 03.12.2009, “Për Parandalimin dhe Goditjen e Krimit të Organizuar, Trafikimit, Korrupsionit dhe Krimeve të tjera nëpërmjet Masave Parandaluese kundër Pasurisë”, ndryshuar me ligjin nr.70/2017, janë identifikuar dhe sekuestruar* pasuritë e luajtshme dhe të paluajtshme të personit nën hetim pasuror dhe personave të lidhur me të”, thuhet në njoftiin e SPAK.
SPAK bën me dije se në përfundim të hetimeve rezulton se pasuritë janë ngirtur nga veprimtaria kriminale e personave të hetuar dhe të personave të lidhur me ta.
Pasuritë e sekuestruara për të cilat kërkohet konfiskimi janë:
1-Shoqëria “KING KASINO” sha, me aksioner 100% Ervis Martinaj- Statusi pezulluar.
2-50% te aksioneve dhe aseteve te shoqërisë “ALBA TELECOMMUNICATION” shpk, të zotëruara nga shtetasi Ervis Martinaj.
3-Shoqëria “M…. U…..” shpk, me aksioner me 100% shtetasin M.M.- Statusi Aktiv.
4-Shoqëria “M………E.M” shpk, aksioner shtetasin M.M. – Statusi aktiv.
5-Subjekti “Ervis Martinaj”.
6-Shoqëria “REAL FENIX” shpk, me aksioner 100% shtetësja M. – Status aktiv.
7-Subjekti “D…………M….”, PF – Status aktiv.
8-Subjekti “V……K…..” PF. -Status aktiv
9-Shoqëria “S.P.E E…….” shpk, me aksioner 100% V.K. – Status aktiv.
10-21% të aksioneve dhe aseteve të shoqëria “S.P.E Gj….” shpk, të zotëruara nga shoqëria “S.P.E E……”, në të cilën shtetasi V.K. është aksioner me 100% të aksioneve.
11-5 (pesë) automjete të markave të ndryshme.
12-Pasuria apartament me sip.82 m2, me adresë lagjja “Pavarësia” Vlorë, në pronësi të shtetases D.M..
13-Pasurie me sip.245 m2, e llojit “Arë”, me adresë Piqeras Sarandë, në pronësi të shtetasve E.M. dhe R.M..
14-Pasuri e llojit “Njësi”, me sip. 137 m2, Tiranë, në pronësi të shtetases V.M..
15-Pasuria e llojit ullishte, me sip.9800 m2, me adresë Dobresh, Tiranë, e cila disponohet nga shoqëria “M……. EM shpk”.
16-Pasuria e llojit arë, me sip. 3815 m2, me adresë Fushë-Kuqe, Kurbin, në emër të M.M.
17-Pasuria e llojit arë, me sip.7000 m2, me adresë Patok, Kurbin, në emër të M.M. dhe V.M.
18-Pasuria e llojit arë, me sip.12145 m2, me adresë Fushë-Kuqe, Kurbin, në emër të shtetases V.M.
19-Pasuria e llojit arë, me sip.1973 m2, me adresë Patok, Kurbin, në emër të M.M. dhe V.M.
20-Pasuria e llojit arë, me sip.7050 m2, me adresë Patok, Kurbin, në emër të V.M.
21-Pasuria e llojit arë + truall, me sip.1975 m2, nga e cila 815.34 m2 ndërtesë, me adresë Fushë-Milot, Kurbin.
22-Pasuria e llojit arë, me sip.1632 m2, me adresë Fushë-Milot, Kurbin.
23-Pasuri e llojit truall + ndërtesë, me sip.300 m2, nga e cila 119.67 m2 ndërtesë.
24-Pasuri e llojit arë, me sip. 2543 m2, me adresë Fushë-Kuqe, Kurbin.
25-Pasuri e llojit arë + ndërtesë, me sip.410 m2, me sipërfaqe ndërtimi 136.74 m2 (baza) dhe sip. ndërtimi gjithsej 540.29 m2, adresë Fushë-Kuqe, Kurbin.
27-Pasurinë e llojit “Arë” me sip.120 m2 , Tiranë.
28-Pasurinë e llojit “Truall + Ndërtesë”, me sip.580 m2 dhe ndërtesë sip 123.3 m2, Tiranë.
29-Pasurinë e llojit “Apartament”, me sip.105 m2, me adresë rruga “Dervish Hima” Tiranë.
30-Pasuria e llojit “Ullishte”, me sipërfaqe 2000 m2, e ndodhur në fshati Gjilekë-Dhërmi, në vendin e quajtur “Gosqea”, kati i dytë dhe përbën ½, pjesë e një magazine.
31-Pasuri me e llojit Vilë me vendodhje në Surrel, Tiranë.
32-Llogari bankare në vlerën e 1.878.299 lekë (një milionë tetëqind e shtatëdhjetë e tetë e dyqind e nëntëdhjetë e nëntë lekë) ne emër të shtetasit A.K.
