Në Apelin e Gjykatës së Posaçme (GJKKO) u shqyrtua të premten kërkesa e SPAK për rikthimin e ish-kryeministrit Sali Berisha në arrest shtëpie.
Pas seancës, Apeli vendosi masa të tjera sigurie për Berishën, duke e detyruar të paraqitet dy herë në javë.
Avokati i Berishës, Genc Gjokutaj, komentoi vendimin duke e cilësuar atë të paqartë. Ai theksoi se prokurori nuk kishte kërkuar një masë sigurie të tillë, por ishte ankuar për shfuqizimin e masës së mëparshme të arrestit shtëpiak.
Gjokutaj po ashtu shprehu dyshime se ky vendim nuk kishte ndihmuar për të zgjidhur problemin, përkundrazi kishte rihapur të njëjtin çështje. Ai theksoi se vendimi ende nuk ishte zbardhur dhe kjo kishte krijuar pasiguri rreth vendimit të dhënë.
Ky vendim është pjesë e një procesi të vazhdueshëm ligjor, që ka të bëjë me hetimet ndaj ish-kryeministrit Berisha, dhe pasqyron vazhdimin e betejës ligjore të tij.
