Avokati i Sali Berishës, Sokol Mëngjesi, ka paraqitur sot në gjykatë për të ankimuar vendimin e SPAK për moslejimin e ish-kryeministrit në seancat plenare.
Pak ditë më parë avokati depozitoi një kërkesë për të marrë leje që Berisha të shkojë në seancat parlamentare brenda Kuvendit, duke argumentuar se duhet të mbajë përgjegjësinë e votuesve të tij dhe të paraqitet në seancat që mbahen.
Mirëpo, SPAK në vendimin e tij argumentonte se masa e sigurisë “arrest në shtëpi”, e caktuar ndaj Berishës, nënkupton edhe pamundësinë e ushtrimit të profesionit.
Madje në këtë vendim theksohej se ky vendim aplikohet jo vetëm në rastin e ish-kryeministrit, por edhe tek qytetarë të thjeshtë, të cilëve nën masën e sigurisë “arrest shtëpie” u ndalohet që të paraqiten në punë.
