Prokuroria e Posaçme kundër Korrupsionit dhe Krimit të Organizuar ka paraqitur kërkesën për gjykim ndaj Andri Mehjës, ish-kryeinspektor i Mbrojtjes së Territorit në Bashkinë Elbasan, i akuzuar për “Korrupsion pasiv i personave që ushtrojnë funksione publike”.
Hetimet e SPAK zbuluan se më 15 prill 2024, Andri Mehja ka firmosur dy vendime administrative për një kundravajtës, në një tendë të paligjshme në fshatin “Katund i Ri”, njësia administrative Bradashesh.
Mehja ka vendosur të shqiptojë një gjobë prej 500,000 lekësh për të njëjtin person, pas firmosjes së një vendimi për prishjen e objektit.
Për shkak të pozitat dhe detyrës që mbante, Mehja ka kërkuar dhe marrë një përfitim të parregullt prej 250,000 lekësh nga shtetasi V.N., në këmbim të uljes së gjobës nga 1,750,000 lekë në 500,000 lekë.
Prokuroria ka kërkuar që Mehja të kalojë në gjykim për akuzat e ngritura ndaj tij.
