SPAK dhe policia kanë realizuar një aksion antidrogë në Sarandë, duke u fokusuar në prodhimin dhe shitjen e lëndëve narkotike, përfshirë kanabisin dhe kokainën.
Operacioni ka nisur që në orët e para të mëngjesit, ku forcat policore kanë kryer kontrolle në disa banesa dhe kanë shoqëruar disa persona. Sipas burimeve nga hetimi, deri tani janë arrestuar tre individë, ndërsa kërkimet vazhdojnë për të tjerët. Në total janë lëshuar 10 masa sigurie.
Ne Sarandë është ndaluar Bledar Haderi, me precedentë penale, me masë sigurimi “arrest ne burg”, Gelbert Koshi me masë sigurimi “arrest në shtëpi”, dhe Dhurim Logli me masë sigurimi “Detyrim për t’u paraqitur në policinë gjyqësore”.
Ndërsa dy prej të ndaluarve në Delvinë janë Markelian Alinani, trajner i ekipit “Bistrica”, me precedentë të shumtë penalë, dhe Orges Kalo.
Gjatë aksionit, janë sekuestruar disa celularë, të cilët dyshohet se janë përdorur për aktivitetin kriminal.
Hetimi ndaj këtij grupi ka nisur që në vitin 2020 nga SPAK.
