Gareth Southgate thotë se lojtarët e Anglisë do të injorojnë çdo reagim të kundërt dhe do të gjonjëzohen gjatë Euro 2020.
Ata e bënë një gjë të tillë në atadiumin Riverside kur lojtarët u gjunjëzuan para fitores miqësore të Anglisë ndaj Austrisë të mërkurën. Southgate tha në atë kohë “disa njerëz nuk po e kuptojnë mesazhin”.
Duke folur të shtunën, para miqësores të së dielës me Rumaninë, trajneri i Anglisë shtoi:
“Ne ndjehemi më të vendosur se kurrë për t’u gjunjëzuar”.
Lojtarët janë ulur në gjunjë për të nxjerrë në pah padrejtësinë racore.
Southgate kaloi disa minuta nga konferenca e tij për shtyp para ndeshjes finale të Anglisë qëe çoi në Euro 2020, duke folur për vendimin për të vazhduar.
“Ata njerëz duhet ta vendosin veten në vendin e lojtarëve të rinj,” shtoi ai.
“Si do të ndiheshin ata nëse fëmijët e tyre do të ishin në atë situatë?
“Ne e pranojmë se mund të ketë një reagim të kundërt, dhe ne thjesht do ta injorojmë atë dhe do të shkojmë përpara.”
Duke folur për BBC Radio 5 Live Sport, Southgate shtoi: “Ne diskutuam nëse ka ndonjë mënyrë më të mirë për ta bërë këtë. A ka ndonjë mënyrë tjetër me ndikim tani për ta bërë këtë?
“Ndoshta është të ecim përpara, por në këtë moment në kohë, duke pasur parasysh atë që ndodhi ditën tjetër, ne nuk ishim të përgatitur për të bërë një hap prapa. Ne mendojmë se do të ishte e gabuar dhe do t’i përkuleshim presionit nga jashtë dhe nuk mendojmë se është e përshtatshme. Ne jemi të bashkuar për këtë si një ekip i plotë.”
Southgate tha që lojtarët e tij nuk do të merrnin pyetje mbi këtë temë gjatë turneut, i cili fillon të premten.
“Ky gjest i rënies në gjunjë është një moment që njerëzit të reflektojnë me të vërtetë,” shtoi ai.
“Ata mund të zgjedhin të pasqyrojnë mënyrën se si ata zgjedhin. Ju e dini personalisht sa herë që jam duke e bërë atë, unë jam duke menduar për djemtë që luajnë për ne, udhëtimin që ata kanë bërë. Vështirësitë me të cilat ata janë përballur në jetën e tyre, që për fat të keq ata duken pothuajse të imunizuar ndonjëherë, por në raste të tjera të caktuara dhemb”, tha Southgate.
