Ditën e sotme do të zhvillohet në Rusi ceremonia e varrimit të liderit opozitar rus, Alexei Navalny, i cili ndërroi jetë pak javë më parë në rrethana të paqarta, teksa ishte në burg.
Mediat e huaja shkruajnë se ekipi i tij ka thënë se ata vazhdojnë të përballen me vështirësi në organizimin e ceremonisë së lamtumirës.
Ishte zëdhënësja e tij, Kira Yarmysh tha se ata nuk kishin mundur të gjenin një makinë për ta çuar trupin në kishë. “Njerëz të panjohur po telefonojnë dhe kërcënojnë kompanitë e shërbimeve funerale nëse pranojnë të marrin trupin e Alexeit,” tha zonja Yarmysh.
Ceremonia mortore është planifikuar që të mbahet në periferi të Moskës, në Maryino në orën 14:00, në Kishën e Ikonës së Zojës. Bëhet me dije se varrimi do të bëhet më pas në varrezat e Borisovskoye, rreth orës 16:00.
Duke folur për BBC Newshour, ish-shefi i shtabit të Navalny, Leonid Volkov tha se ishte i shqetësuar për atë që mund të ndodhte gjatë ceremonisë në Moskë. “Kam frikë se priten surpriza… sinqerisht, ndërsa flas tani, nuk e di nëse ato do t’i lejojnë njerëzit t’i thonë lamtumirë Alexeit,” tha ai.
Ai shtoi se ekipi i Navalny-t ishte gjithashtu i shqetësuar se mund të lindnin probleme me kishën ku po mbahet shërbimi.
Mbrëmjen e djeshme anë publikuar foto që një prani të madhe policie dhe barriera që prisnin të vendoseshin si pranë kishës ku do të mbahet shërbimi përkujtimor, ashtu edhe në varrezat ku do të varroset Navalny.
