Sot zhvillohet seanca e 48-të me radhë në përpjekje për të konstituuar Kuvendin e Kosovës, i cili prej më shumë se tre muajsh ndodhet në një ngërç të thellë institucional, që nga seanca e parë më 15 prill.
Deputetët do të mblidhen sërish në një tjetër tentativë për të thyer bllokadën që ka paralizuar procesin, i cili deri më tani ka njohur ndryshime të shpeshta çdo dy ditë, por pa asnjë përparim konkret.
Zvarritja ka vendosur Kuvendin përballë një afati të ngushtë kushtetues: sipas vendimit të Gjykatës Kushtetuese, konstituimi duhet të përfundojë brenda 30 ditëve nga mbledhja e parë, duke e vendosur datën 26 korrik si afatin final.
Pika kryesore e mosmarrëveshjes mbetet zgjedhja e kryetarit të Kuvendit, një hap kyç për formimin e plotë të institucioneve të reja të dalë nga zgjedhjet e 9 shkurtit. Megjithë presionin politik dhe institucional, palët nuk kanë arritur ende kompromis, ndërsa koha po mbaron.
