Ditën e sotme, ora 19:00 do të fillojë protetesta e thirrrur nga kreu i Partisë Demokratike, Sali Berisha.
Ndërkohë, Berisha ka publikuar një video ku shihen disa punonjës që po punojnë për ‘fortifikimin’ e Kryeministrisë. Siç shihet edhe nga pamjet në fjalë, po punohet për mbrojtjen e fasadës para hyrjes së Kryeministrisë, e cila është rrethuar dhe salduar me një shtresë për ta mbrojtur nga goditjet, nëse do të ketë.
“Qytetari ka një pyetje per Edvinin! sb”, shkruan Berisha ndërkohë që në video dëgjohet zëri i një personi që thotë: “Ku kanë dalë fondet për këtë lloj blindimi te Kryeministrisë?”.
Përgjatë protestës së sotme do të angazhohen rreth 1000 efektivë në terren, ndërsa në gatishmëri do të jenë edhe Forcat e Ndërhyrjes së Shpejtë dhe atyre RENEA. Gjithashtu në kuadër të këtyre masave do të ndalohet qarkullimi pas orës 16:00 tek të gjitha rrugët që të çojnë drejt Bulevardit ‘Dëshmorët e Kombit”. Protesta e paralajmëruar nga Partia Demokratike pritet të nisë në orën 19:00 të së enjtes, ndërsa leje është marrë për të tubuar deri në orën 21:00 të mbrëmjes, por nuk përjashtohet mundësia e shtyrjes së tubimit.
Kujtojmë se Berisha tha se do të jetë një protestë e gjatë teksa paralajmëroi Ramën që mos merret me blinde.
