Sot në orën 10:00 do të mbahet seanca në GJKKO për Ajola Xoxën dhe Arbër Veliajn, të cilët kërkojnë kthimin e sendeve të sekuestruara gjatë kontrolleve të realizuara nga agjentët e BKH-së.
Më 6 dhjetor, oficerët e BKH kryen kontrolle në banesën e Erion Veliajt dhe Ajola Xoxës, si dhe në shtëpinë e vëllait të kryebashkiakut, Arbër Veliaj.
Gjatë këtyre kontrolleve, u sekuestruan telefonat e Ajola Xoxës dhe Arbër Veliajt, si dhe shuma të mëdha parash.
Erion Veliaj është nën hetim për një sërë dosjesh, përfshirë ato të inceneratorëve të Tiranës, dosja “5D”, shembjet në zonën e 5 Majit, shembjen e Teatrit Kombëtar, si dhe është nën hetim pasuror.
