Muaj më parë i riu Xhino Koça, nga Durrësi dha fund jetës duke u hedhur nga kati i tretë i spitalit COVID 2 (Sanatoriumi). Ditën e sotme ai do të feshtonte ditëlindjen e 30-të, ndërsa familjarët e kanë përkujtuar me një ceremoni të ndjerë. Ata kanë lëshuar 30 pëllumba e 30 tullumbace të bardha drejt qiellit, në kujtim të Xhinos.
“Data 5 Mars është një nga datat e shënuara për familjen tonë. Çdo prag 5 marsi, ne bëheshim gati të festonim ditëlindjen e të voglit të shtëpisë, Xhinos. Këtë vit është ditëlindja e 30-të e djalit tonë… 30 pëllumba dhe 30 tullumbace të bardhë do të lëshohen drejt qiellit duke u kthyer në simbol të përqafimit tonë për Xhinon”, është shprehur nëna e Xhinos, Lira Koça.
Ceremonia prekëse është mbajtur buzë detit, ndërsa në këtë përvjetor të shënuar ishin të pranishëm familjarë, të afërm, miq e të njohur të të ndjerit.
Xhino Koça i dha fund jetës duke u vetëhedhur nga kati i tretë i Sanatoriumit, ku ishte shtruar pasi po kurohej nga COVID-19. Në 13 gusht të vitit të kaluar ai i dha fund jetës tragjiisht. Koça ishte i par ii një serie viktimash që u vetëvranë në këtë spital, duke u hedhur nga lartësitë e ndërtesës.
