Ambasadori i Bashkimit Europian në Shqipëri, Luigi Soreca ka pasur një takim me kreun e rizgjedhur të PD, Lulzim Basha në zyrën e këtij të fundit.
Lajmin e ka bërë të ditur vetë ambasadori me anë të një postimi në Tëitter, ku shkruan se mes të dyve është diskutuar për situatën aktuale politike në prag të legjislaturës së re që fillon shtatorin e ardhshëm.
“Pas rizgjedhjes së tij si Kryetar i PD, u takova sot me Lulzim Bashën për të diskutuar situatën aktuale politike në prag të legjislaturës së re që fillon shtatorin e ardhshëm, si dhe hapat e rëndësishëm të ardhshëm në procesin e integrimit të Shqipërisë në BE’, shkruan Soreca.
Ky takim vjen pasi Lulzim Basha u rizgjodh në krye të PD me rreth 80% të votave. Në garë ai ishte me Agron Shehaj që u rendit i dyti, Fatbardh Kadilli në fund dhe Edith Harxhi e treta.
Pas humbjes në zgjedhjet e 25 prillit, zërat kritikë Brenda partisë kundër Bashës janë shtuar. Ish-presidenti Nishani, kandidatët që u përballën me të në zgjedhjet e PD-së, Arben Imami etj. kanë kërkuar që Basha të jepte dorëheqjen për shkak të rezultatit zhgënjes, duke e bërë përgjegjës për humbjen. Vetë Basha ka deklaruar vazhdimisht se PD humbi për shkak se u bë një masakër zgjedhore dhe votat u blenë nga kundërshtari.
