Ambasadori i Bashkimit Evropian në Tiranë, Luigi Soreca shkruan se më datë 25 prill do të vizitojë një numër të madhe qendrash votimi në vend. Soreca ka thënë se së bashku me anëtare të tjerë të Bashkimit Evropian në vend do të vizitojë disa qendra votimi për të parë nga afër se si do të shkojë procesi zgjedhor. Gjithashtu ai ka bërë thirrje që të gjithë qytetarët që do të marrin p0jesë në zgjedhje të respektojnë masat e vendosura nga Komiteti Teknik i Ekspertëve, për COVID-19. Soreca e ka mbyllur me fjalët: “Flamuri i BE-së i Bashkimit Evropian qëndron pranë Flamurit të Shqipërisë!”
Postimi i plotë:
“Së bashku me shumë kolegë të Bashkimit Evropian të Shteteve Anëtare do të vizitoj një numër të madh të vendvotimeve në ditën e zgjedhjeve. Ne inkurajojmë qytetarët e Shqipërisë të ushtrojnë të drejtën e tyre për të votuar duke respektuar të gjitha masat kundër# COVID19.
Flamuri i BE-së i Bashkimit Evropian qëndron pranë Flamurit të Shqipërisë!
Kujtojmë se presidenti Ilir Meta i ka dërguar një shkresë zyrtare drejtuesve të institucioneve shtetërore, si dhe ambasadorëve të huaj në Shqipëri. Letra është dërguar mbi “nevojën e marrjes së masave të shtuara organizative në ushtrimin e detyrave funksionale, zbatimin me përgjegjshmëri të legjislacionit në fuqi, si dhe rritjen e vigjilencës përgjatë periudhës para dhe pas zgjedhore”. Meta në letër ka vënë në dijeni edhe ambasadorët më të rëndësishëm në vend, Del Monaco i OSBE, Soreca i BE dhe Yuri Kim i SHBA.
