Ekonomia, papunësia, korrupsioni, shëndetësia dhe emigrimi janë shqetësimet kryesore të shqiptarëve, zbuloi sondazhi i emisionit Barometri në Euroneës Albania këtë të enjte.
Këto çështje duket se shqiptarët kanë pritshmëri t’i shohin në listën kryesore të prioriteteve të kryeministrit Edi Rama dhe kabinetit të tij qeveritar në 4 vitet e ardhshme.
Rezultatet e sondazhit, i cili pyeti 1000 persona në intervista ballë për ballë gjatë muajit gusht, treguan se mjedisi, droga dhe infrastruktura rrugore u renditën të fundit ndër shqetësimet e shqiptarëve.
Taksat, drejtësia, COVID-19 dhe niveli i krimit morën gjithashtu më pak vëmendje nga qytetarët.
Të pyetur si e gjykojnë situatën e vendit në përgjithësi qytetarët u shprehën pesimistë, pasi 43.3% thanë se e shohin atë si disi dhe shumë të keqe, ndërsa 37% ishin neutralë dhe vetëm 19.5% e shihnin si pozitive.
Kujtojmë se ditën e sotme u mbajtë një maratonë prlamentare e cila u nda në tre pjesë. Ditën e sotme kryeministri Edi Rama, paraqati planin e qeverisë Rama 3. Në fjalën e tij në parlament, Rama ka thënë se në shkolla do të hyjnë programet për artin dhe sportet dhe mësimi i gjuhës angleze do të fillojë që nga klasa e parë. Rama është ndalur edhe tek menaxhimi i mbetjeve dhe paralajmëroi bashkitë, duke thënë se pasrtërtia duhet të kthehet në kryefjalën e çdo qeverie vendore dhe çdo kryebashkiaku.
