Ish-ministri i Shëndetësisë Leonard Solis ka folur për menaxhimin e pandemisë, duke hedhur hije skepticizmi për të ardhmen.
Solis u shpreh se vendi ka fituar një betejë dhe se kjo situatë në Shqipëri thuajse kaloi pa u ndjerë, por shtoi se forca goditëse e virusit në tetor do të jetë më e madhe dhe ne duhet të jemi vigjilent.
Gjithashtu ai theksoi se duhet të treguar më shumë, fleksibilitet dhe të shtohen më shumë testime, por mbi të gjitha duhet treguar kujdes edhe pasi të lirohen masat, sidomos transporti publik do të jetë shumë problematik.
Sipas Solisit, hapja duhet të jetë më e shpejtë sepse vdekjet nga sëmundjet e tjera do të jenë shumë më të larta për shkak të përqëndrimit të vëmendjes te Covid-19.
“Qeveria veproi sipas udhëzimeve të OBSH dhe sipas ekspertëve. Ky virus nuk është si gripi dhe situata ende nuk është mbyllur. Fazën e parë dhe shumë të rëndësishme falë masave të marra e kaluam shumë mirë. Gjatë verës virusi do të transmetohet në vatra. Nuk do të zhduket. Bie pjesa e vapës dhe do të fillojë faza e dytë dhe e tretë. Forca goditëse e virusit do të jetë më e madhe dhe ne duhet të jemi vigjilent. Vazhdimisht virusi bën mutacione ndaj dhe është e vështirë të realizohen vaksina. Ka një përqindje shumë e lartë e pacientëve apsimptomaik. Të gjithë duhet të jemi alert secili duhet të mbrojë veten e tij, pasi kjo situatë nuk ka mbaruar. Epidemia të ul në “gjunjë”, masat janë probleme komplekse ekonomike-shkencore”, u shpreh ai në një intervistë për ABC News.
Sakaq, ai u shpreh kundër dekleratës së Kryeministrit Edi Rama, i cili tha se në Shqipëri nuk ka oligarkë, duke u shprehur se në Shqipëri “ka oligarkë që ç’ke me të, më shumë se kurdoherë”.
“Ka oligarkë që ç’ke me të. Më keq se kurdoherë. Ndërkohë nuk ka qenë kurrë më keq se tani. Ndërkohë janë edhe të parashikueshme ofertat se kur dhe ku dopo shkojnë. Infulencat nuk do dalin tani, do dalin më vonë. Ka influencë politike dhe biznesi është dyndur në politikë. Populli ka disa vjet që voton numra. Populli nuk kontrollon gjë. Shumë gjëra janë bërë të tmerrshme në sishtemi zgjedhor. Reforma në Drejtësi ka sjellë probleme. Ai Dvorani që unë kam respekt duhet të ishte qëruar se ka rol më shumë se çdokush tjetër aty”, tha Solis.
