Pasi situata është bërë alarmante kohët e fundit me rritjen e çmimeve në vend deputeti i PD-së Dashnor Sula i cili u paraqit sot në mëngjes me shportë me ushqime për të shkuar në kuvend për të treguar situatën alarmante të çmimeve, gjatë fjalës së tij në seancën parlamentare ka shpërthyer në akuza ndaj qeverisë duke thënë se është e pazakontë situata me çmimet. Pas Braçes, Sula tha se gjë e mirë është që një i mazhorancës ngre zërin për bujqërit apo fermerët dhe është e turpshme që asnjë nga opozita nuk po e bën. Ndër të tjera Sula u shpreh se sot familjet shqiptare nuk arrijnë të blejnë ushqimet bazë pasi çmimet në supermarkete janë të papërballueshme. Dashnor Sula: Të nderuar bashkëfshatarë të Elbasanit, do të doja që në emër të bujqve të Myzeqesë, më vjen mirë që ka një zë nga mazhoranca dhe turp që asnjë nga opozita asnjë burrë nuk ngre zërin. Keni miq e të afërm atje, që nuk kanë rrogat tona dhe mezi ia dalin. Kemi parë burra nga të thjeshtët që nuk kanë para të blejnë bukë por prapë thonë do ja dalim. Unë pashë nëpër supermarkete dhe ajo shportë, kushton 30 mijë lekë, për një familje për 4 vetësh, maksimumi për 4 ditë. Bëjini llogaritë! Nuk më lejuat as ju as garda për të marrë shportën e ta demonstroja këtu, këtu vjen era puro dhe hashash. Galopante thoni ju rritja ekonomike, po ça është more kështu? Po të blesh naftë? 2600 lekë në Marinzë, ça bëhet kështu, thirri mendjes o Edi Rama, hiq të paktën taksat për bujqësinë. Unë personalisht, nuk e kam për turp që jam fshatar dhe po ju them si Braçe, zona e Peqinit deri në Rrogozhinë ka mijëra hektarë me pjeshka, a e dini sa shitet kilogrami, 300 lekë të vjetra. Këtu 2 mijë lekë, shikoni diferencën.
Çifti shqiptar gjendet i pajetë në apartamentin luksoz në SHBA
Një ngjarje tragjike ka tronditur komunitetin shqiptar në SHBA, ku çifti Pajtim dhe Sabrina Krasniqi, nga Kosova, janë gjetur pa...
