Dënimi i UEFA-s e ka kthyer Skënderbeun e Korçës nga një ekip elitar dhe me përfitime të majme, në një ekip të thjeshtë dhe normal.
Vendimi i Gjykatës së Arbitrazhit CAS, ka bërë që këtë sezon Skënderbeu të ulet jo vetëm në të ardhura, por edhe në cilësi loje.
Gjashtë humbje rresht, e fundit sot me Kastriotin e Krujës, kanë humbur çdo gjurmë nga ekipi kampion.
Mirëpo për t’i dhënë një panoramë më të qartë të asaj çfarë është duke kaluar ky ekip, hidhini një sy fotos ku duket qartë mjeti me të cilin korçarët kanë udhëtuar drejt Fushë-Krujës.
Nga foto duket qartë se lojtarët dhe stafi i ekipit, kanë udhëtuar me një mikrobus të linjës Durrës-Korçë-Durrës.
Nuk dihet nëse kjo ka ndodhur sepse është prishur autobusi i përhershëm me të cilin udhëton Skëndërbeu, apo kemi të bëjmë me reduktim të luksit nga ana e presidencës së ekipit.
