Para disa ditësh një 35-vjeçar ne Orikum e zuri korrenti teksa po korrte grurin me autokombajnë.
Ndërkohë që janë publikuar skenat e dhunshme që ndodhën në spitalin rajonal të Vlorës si pasojë e irritimit të familjarëve të 35-vjeçarit Arbër Ferati.
Në videon e publikuar nga ‘Ballkan Ëeb” shihen familjarët e 35-vjeçarit Arbër Ferati që pasi transportojnë trupin e tij në spital, konfliktohen fizikisht një polic. Duket se gjithçka nisi kur ambulancës së Njësisë Shëndetësore Orikum, nuk po i hapej dera, ndërsa është dashur ndërhyrja me forcë e mjekëve dhe familjarëve të të ndjerit.
Kjo gjë ka sjellë irritim tek të afërmit e 35-vjeçarit, të cilin e zuri korrenti teksa ishte duke punuar me autokombajnë.
Irritimi i tyre dhe ndërhyrja e bluzave të bardha dhe policisë për të qetësuar situatën ka sjellë përplasje fizike. Sikurse tregojnë pamjet, disa persona kanë marrë lëndime të lehta, mes tyre një efektiv dhe të afërm të 35-vjeçarit. Pas situatës së krijuar policia ka shoqëruar në komisariat një prej familjarëve të Feratit. Theksojmë që ngjarja në fjalë ndodhi në 19 qershor.
Sjellim në vëmendje se qytetarët shpesh ankohen për sistemin shëndetësor në vendin tonë, të cili e akuzojnë për korrupsion dhe shërbim jo profesional. Nuk kanë qenë të rralla rastet e ngjashme me atë më lart ku familjarët e pacientëve rebelohen ndaj mënyrës se si trajtohet i afërmi i tyre në spitalet publike të vendit.
