Shtetasi Edlir Sejdini me profesion ekonomist ka rënë në prangat e policisë se Elbasanit pasi akuzohet se ka shpërdoruar detyrën.
Media mëson se nëpërmjet fallsifikimit të liste prezencës së punonjësve të një qendre shëndetësore, Sejdini ka përvetësuar një vlerë prej 30 milonë lekësh.
Arrestimi i tij u bë pas hetimeve disa mujore të seksionit të krimit ekonomik pranë drejtorisë së Policisë Elbasan pas një hetimi disa mujorë në bashkëpunim të ngushtë me prokurorinë e rrethit Gjyqësor të këtij qyteti.
Sipas burimeve të “Panorama”, 35 vjecari kishte rreth dy vite që përvetësonte shuma parash duke fallsifikuar listë prezencat e punonjësve.
Ndaj tij rëndon akuza e vjedhjes duke shpërdoruar detyren. Hetimi është duke vijuar për identifikimin e bashkëpuntorëve të tjerë pasi dyshohet që ky punonjës të ketë edhe grup.
Kujtojmë se së fundmi vendi është përfshir nga një numër i madh ngjarjesh mediatike në drejtësi dhe shëndetësi.
I fundit ishte arrestmimi i gjyqtares së Krujës dhe mjekut të QSUT, Edvin Prifti. Nga përgjimet e SPAK, u zbulua se gjyqtarja Enkelejda Hoxha kishte liruar padrejtësisht disa nga “kokat” e krimit në Durrës, ndërsa mjekut iu gjendën 20 mijë euro në zyrë, para të cilat u konfiskuan nga policia.
Gjithashtu një tjetër ngjarje e madhe mediatike, ishte Tirja te “Shefqet Ndroqi”, e cila hiqej si infermiere dhe zhvaste personat e infektuar te infektivi.
