Një skemë mashtrimi ka ndodhur në Tiranë, ku kanë përfunduar në pranga dy të reja mes të cilave edhe një infermiere. Dy të arrestuarat janë Elisabeta Brdhodhari, 39-vjeçe dhe Orjada Hoxha 32-vjeçe.
Mësohet se 39-vjeçarja e cila ishte e punësuar në spitalin psikiatrik nr.5 në Tiranë u vidhte kartat e identiteti pacientëve që shkonin për mjekim dhe më pas ia jepte ato shoqes së saj, 32-vjeçares Orjada Hoxha e cila punonte si shitëse në një subjekt privat.
Orjada Hoxha e cila punonte si shitëse në një subjekt privat që tregtonte pajisje elektroshtëpiake në një dyqan në zonën e Porcelanit, i përdorte kartat e identitetit për të marrë kredi në emër të pacientëve me qëllim për të blerë pajisje të ndryshme në dyqanin ku punonte. Po ashtu nën hetim është edhe shtetasi me inicialet A.H., i cili transportonte pajisjet elektroshtëpiake që bliheshin nga 32-vjeçarja dhe më pas i shisnin në bashkëpuni me njëri-tjetrin.
Mësohet se infermierja e cila është arrestuar, Elisabeta Bardhodhari ka qenë edhe më parë e proceduar penalisht për të njëjtën skemë mashtrimi, por është hetuar në gjendje të lirë. Arrestimi i tyre është bërë në kuadër të operacionit të koduar “Elektro” dhe mësohet se vlera e përfituar është 40 milionë lekë nga kreditë që kanë marrë në emër të pacientëve.
