Ditën e djeshme policia e Tiranës arrestoi drejtoreshën e filialit të fondacionit “Besa”, por edhe 6 punonjës të tjerë të institucionit.
Të shtatë personat, me në krye drejtoreshën Albana Imami akuzohen për një skemë mashtrimi me kredi fiktive, ku janë mashtruar më shumë se 800 vetë.
Policia njofton se drejtoresha Imami ka marrë shuma të mëdha valute me interes nga persona të ndryshëm për të mbuluar këtë skemë mashtrimi, të cilat kapin vlerën deri në 1.7 milion euro.
Janë dashur më shumë se dy denoncime zyrtare, pas të cilave Policia të vepronte menjëherë dhe të kërkonte gjurmim përmes telefonit të Imamit dhe personave të tjerë të implikuar.
Ditën e sotme, Gjykata ka caktuar edhe masën e sigurisë për 7 personat e arrestuar, të cilët kanë zhvatur rreth 3.7 milionë euro nga kompania.
Gjykata la në burg drejtoreshën e fondaconit Albana Imamin, Blertina Kananin, Mihal Hanxharin, Orkida Drizën ndërsa vendosi masën “Arrest shtëpie” për Esmeralda Vason dhe Matilda Domin.
Drejtoresha Arbana Imamai ka pranuar se ka bërë një skemë të tillë, por është shprehur se e ka bërë në të mirë të fondacionit.
Nga ana tjetër, oficerët e kredisë kanë akuzuar drejtoreshën e policisë se i ka detyruar të firmosë kredi fiktive.
Emrat e punonjësve të arrestuar
Albana Imami, 48 vjeçe, drejtoreshë në një nga degët e filialit të fondacionit, që ka hartuar skemën.
Blertina Kanani, 41 vjeçe, oficere kredie;
Matilda Domi, 27 vjeçe, oficere kredie;
Mihal Hanxhari, 41 vjeç, ish-oficer kredie;
Esmeralda Vaso, 38 vjeçe, oficere kredie;
Orkida Driza, 41 vjeçe, me rolin ndërmjetësuese për gjetjen e personave për kredi fiktive;
Aritin Aliaj, 32 vjeç, me rolin ndërmjetësues për gjetjen e personave për kredi fiktive.
