Ditën e sotme kryesia e Partisë Demokratike ka marrë vendimin për t’i hequr vulën e partisë sekretarit të Përgjithshëm Gazment Bardhit. Bëhet e ditur se Kryesia e Partisë ka vendosur që vulën zyrtare t’ia kalojë në përdorim sekretarit për çështjet ligjore dhe zgjedhore, Indrit Sefës dhe jo sekretarit të Përgjithshëm Gazment Bardhit.
Por siç duket nga ky dokument, mes emrave që kanë firmosur për këtë vendim, deputetja Erjola Pampuri ka firmosur dy herë.
Ndërkohë Bardhi ka pasur një reagim për këtë vendim të Kryesisë. Bardhi thotë se ky është një veprim dhe akt qesharak nën efektin e dëshpërimit.
Reagimi i Gazment Bardhit:
Nuk e kam zakon te komentoj veprime dhe akte qesharake dhe nen e efektin e dëshpërimit.
Por për kureshtjen tuaj: Vula administrohet sipas nenit 8 të Statutit dhe urdhrit nr. 218, datë 07.11.2019 të Kryetarit të Partisë; ndërsa dokumentimi, arkivimi, dhe protokollimi behet sipas nenit 21 të Statutit të Partisë dhe rregullave të miratuara me udhëzimin nr. 8, datë 19.01.2020 të Sekretarit të Përgjithshëm.
Statuti është vullnet i përbashkët i rreth 7000 anëtarëve të Kuvendit Kombëtar të PD. Për këtë arsye, për zhvillimet në PD referojuni vetem dispozitave të Statutit, se me letra me firma mund tju vij këto ditë edhe ndonjë vendim për sekuestrimin nga “Kryesia e PD” e kurorës së mbretit të Anglisë! Por ajo që nuk u vu re ishte firma e deputetes Oriola Pampuri që mbështet, Lulzim Bashën për tu bër kryetar i Partisë Demokratike.
