Flamuri i Kosovës u ngrit për herë të parë në histori në Beograd, gjatë Kongresit të 49-të të UEFA-s, i cili po zhvillohej të mërkurën. Pas këtij incidenti, Federata e Futbollit të Serbisë ka hequr flamurin dhe ka kërkuar falje për tifozët përmes një komunikate.
Federata serbe shpjegoi se Kongresi, i cili është një ngjarje madhore për futbollin evropian dhe botëror, u zhvillua në Beograd dhe ishte organizuar nga UEFA.
Ata theksuan se organizimi i këtij evenimenti ishte i jashtëzakonshëm, por një neglizhencë e organizatorëve lejoji që një pjesëmarrës të shfrytëzonte situatën për interesa të tjera, të cilat nuk kishin lidhje me futbollin.
Në komunikatë, Federata e Futbollit të Serbisë kërkoi falje për çdo qytetar të Serbisë dhe për popullin serb, sidomos për bashkëkombësit në Kosovë, të cilët mund të jenë shqetësuar dhe ndjerë të lënduar nga ky incident. Ata e sqaruan se kjo neglizhencë ishte korrigjuar menjëherë pas reagimit të tyre.