Inspektori i Lartë i Drejtësisë, Artur Metani ka dorëzuar ditën e sotme në KLGJ kërkesën për pezullim dhe shkarkim nga detyra të magjistrates së Elbasanit, Enkeleda Kapedani. Sipas ILD, veprimet e Kapedanit diskreditojnë rëndë figurën e gjyqtarit. Metani ka shfrytëzuar për herë të parë mekanizmin ligjor të pezullimit të një magjistrati ndërsa ndodhet në hetim disiplinor.
Kërkesa për pezullimin dhe shkarkimin e gjyqtares vjen pas publikimit të një sërë videosh që gjyqtarja kishte publikuar në rrjetin social “TikTok”, si në zyrën e saj në Gjykatën e Elbasanit, ku ishte nënkryetare në detyrë, ashtu dhe në ambiente të tjera.
Ajo mohoi publikimin e videove dhe ekzistencën e profilit të saj në “TikTok”. Në një reagim, ministrja e Drejtësisë Etilda Gjonaj i cilësonte “të pakomentueshme shfaqjet e gjyqtares së Elbasanit” duke shtuar se “qysh prej dhjetorit 2019, i kam kërkuar me shkrim KLGJ-së verifikimin dhe marrje mase për të pas lirimit të një subjekti kriminal”.Ky rast ka bërë shumë bujë dhe ka ngjallur reagime, më herët Inspektori i Lartë i Drejtësisë, Artur Metani ka urdhëruar edhe nisjen e hetimit disiplinor ndaj magjistrates për rastin. Në një deklaratë për mediat edhe ministrja e Drejtësisë Etilda Gjonaj e cilësoi si të “pakomentueshëme”, videot në Tik Tok të Kryetares së Gjykatës së Elbasanit.
Me anë të një postimi në rrjetet sociale ka reaguar edhe vetë Enkeleda Kapedeni, e cila është shprehur se ndidhet keq nga publikimi i këtyre videove, që sipas saj janë bërë vetëm për të dëmtuar imazhin. Ajo ka vazhduar më tej me fjalët “Shpresoj që ky sulm mos të jetë ndaj meje sepse jam grua dhe nene.”.
