Pas skandalit të publikimit të databazës, ka reaguar eksperti i IT-së, Gentian Progni. Ky I fundit është shprehur se në janar mund të dalë një databazë tjetër me të dhënat e qytetarëve shqiptarë. Duke diskutuar skandalin Progni tha se e-Albania duhet të ishte mbyllur, pasi dëmi i publikimit të këtyre të dhënave sensitive është shumë e rëndë.
Eksperti:
Duhet të ishte mbyllur e-Albania. Në janar mund të dalë një databazë tjetër të dhënash. Me të dhënat që kanë dalë mund të hapen profile false.
Eksperti Progni përjashton mundësinë e ndonjë hakerimi.
Eksperti:
Është nga brenda, kryqëzimi i të dhënave nuk bëhet nga jashtë.
Ndër të tjera eksperti u shpreh se pas ksandlait, drejtoresha e AKSH-it duhet të ishte dorëhequr.
Prej disa ditësh, në vendin tonë po qarkullon skandali i shpërndarjes së të dhënave të rreth 690 mijë qytetarëve shqiptarë. Kujtojmë se nga rrjedhja e databazës, në qarkullim dolën ID, numrat e telefoni, targat e 530 mijë makinave dhe rrogat e shqiptarëve.
Lista është vjedhur në mënyrë manuale dhe nuk kemi të bëjmë me një “cyber attack”. Lista është marrë me exel nga inspektorë të caktuar që kanë pasur lidhje pune me këto të dhëna sensitive. Më pas, dikush e ka shpërndarë me Whatsapp, duke përfunduar kështu tek mijëra persona.
