Hijet e korrupsionit kanë prekur së fundi edhe Teatrtin Kombëtar të Operas dhe Baletit. Institucioni i drejtuar nga Zana Çela ka shpenzuar një shumë të majme parash për një logo të re, e cila siç duket është e kopjuar nga interneti. 18 milionë lekë kanë shkuar për një punim që është marrë nga Google dhe ka hasur kundërshti në rrjetet sociale. Më herët profesori i Universitetit të Arteve, Ardian Isufi zbuloi se ky punim ishte marrë në një faqe internet pa pagesë.
Turp! – Teatri i Operas dhe Baletit! – shkruan Isufi. – Logo e teatrit Kombëtar të Operas dhe Baletit e marrë në site “free” Freepik.com. 10 USD subscription në site të siguron tender 18 milionë lekë të vjetra”,sjkruante Isufi.
Tashmë është bërë publik edhe emri i kompanisë e cila e ka fituar garën për logon. Bëhet fjalë për “Pika production” e cila ka marrë 18 milionë lekë për një logo që është kopjuar në Google në një faqe që krijon logo online. Akoma nuk ka pasur ndonjë reagim nga TKOB për skandalin në fjalë, ku 18 milionë lekë nga taksat e shqiptarëve shkojnë për një punim plagjiaturë. Madje për këtë është zhvilluar edhe një tender, ku rezultoi fituese kompania “Pika Production”, me pronar Albert Malltezin.
