Komisionit Hetimor Parlamentar vendosi që të zgjatet afati në lidhje me çështjen e iniceneratorëve. Në lidhje me këtë çështje, ka reaguar për herë të parë ambasadorja amerikane Yuri Kim.
Ambasadorja Kim iu bën thirrje autoriteteve dhe institucioneve shqiptare që të shqyrtojnë dhe ndërmarrin veprimet e duhura. Gjithashtu Kim deklaron se SHBA është duke e ndjekur nga afër këtë çështje.
“Llogaridhënia ka rëndësi kyçe për demokracinë. Forcimi i institucioneve demokratike dhe lufta ndaj korrupsionit janë prioritetet e SHBA në Shqipëri. Ne mirëpresim vijimin e komisionit parlamentar për inceneratorët. Ne u bëjmë thirrje të gjitha autoriteteve dhe institucioneve përkatëse të shqyrtojnë dhe ndërmarrin veprimet e duhura. Ne do ta ndjekim këtë nga afër. Përgjegjësia është çelësi i demokracisë”, shkruan ambasadorja Kim.
Kujtojmë se për ketë çështje mesditën e 14 dhjetorit, SPAK-u lëshoi urdhër-arrestin për Lefter Kokën, i cili shërbeu si ministër i Mjedisit në vitet 2013-2017. Arrestimi i tij ka ardhur pasi u kallëzua penalisht nga Lëvizja Socialiste për Integrim.
Ai akuzohet për “shpërdorim detyre”, “pastrim parash” dhe “korrupsion” në kohën kur drejtonte Ministrinë e Mjedisit. Ndërkohë janë shpallur në kërkim Klodian Zoto e Stela Gugallja, për aferën e inceneratorëve.
Stela Gugallja është pronarja e kompanisë ‘Albtek Energy’, ndërsa Klodian Zoto, pronar i kompanisë ‘Integrated Technology Services’. Ata vijojnë të jenë në kërkim në kuadër të hetimeve për koncesionin e inceneratorit të Elbasanit.Mbi të dyshuarit rëndojnë akuzat e korrupsionit të zyrtarëve të lartë dhe të pastrimit të parave
