Pas ‘epokës’ së patronazhsitëve, shqiptarët po përballen me një tjetër problem shqetësueses. Një tjetër skandal i rëndë ndodh me të dhënat personale të qytetarëve shqiptarë. Bëhet fjalë për një databazë me të dhënat e qytetarëve të punësuar në sektorin privat dhe publik, shoqëruar me kartat e tyre të identitet, pozicionin e punës numrin e telefonit dhe rrogën, që po shpërndahet dhe qarkullojnë në Whatsapp.
Pas kësaj ka ardhur reagimi i prokurorisë. Kjo e fundit ka ngritur një grup hetimor për të kryer hetimet përkatëse në AKSHI dhe ISSH, po ashtu edhe në Drejtorinë e Përgjithshme të Tatimeve.
Prokuroria ka vendosur sekuestro mbi serverat e AKSHI-t, Drejtorisë së Tatimeve dhe Institutit të Sigurimeve, pas publikimit të listave me pagat dhe të dhënat personale të qytetarëve shqiptarë.
Vendosja e sekuestros është bërë me qëllim ndalimin e ndërhyrjes në server, në mënyrë që ekspertët të zbulojnë se cili ka qenë personi përgjegjës për publikimin e këtyre të dhënave.
Ndërkohë ekspertët e IT, ata të cilët njohin çdo mekanizëm të serverave të kompjuterave, thonë se rrjedhja e informacionit mund të ketë dalë nga AKSHI.
Ndërsa vendimi përfundimtar i marrë lidhur me këtë çështje është sekuestrimi i të gjithë serverave të AKSH dhe të tatimeve në Republikën e Shqipërisë.
