Ish-kryeministri Sali Berisha ka dalë kundër vendimit të kreut aktual të PD-së, Lulzim Basha, në lidhje me zgjedhjet e 25 prillit. I ftuar në Euroneës ai tha se opozita ka pasur përgjegëjsitë e veta për rezultatin e zgjedhjeve të 25 prillit. Berisha u ndal veçanërisht te skandali i patronazhistëve, me të dhënat e 1 milion qytetarëve që PS zotëronte. Ai tha se po të ishte kryetar partie dhe jo në rrethanat e djegies së partive, ai nuk do merrte pjesë në zgjedhje.
Megjithatë ai nuk e konsideroi gabim pjesëmarrjen e Bashës, pasi PD duhej të rikthehej në parlament, por Berisha u shprej se konsideron të rëndë skandalin e patronazhistëve.
“Opozita ka pasur përgjegjësitë e veta në rezultatin e zgjedhjeve, por në 30 vite nuk më ka shkuar ndërmend të bojkotoj zgjedhjet e përgjithshme, jo asnjëherë, por të them të vërtetën, kur doli 1 milion të dhënat personale, të kisha qenë kryetar partie, jo në rrethanat e djegies së mandateve, në ato zgjedhje unë nuk merrja pjesë. Basha mori pjesë, dhe nuk bëri gabim që mori, sepse në atë kohë ishim jashtë sistemit pas djegies së mandateve. Dhe duhej të rikthehej. E thashë këtë për të kuptuar se sa të rëndë e konsideroj unë skandalin e patronazhistëve”, tha ish-kreu i PD.
