Për 6 ditësh në Gjirokastër janë marrë 250 mostra për të dyshuar me Covid por ende nuk ka nje pergjigje. Mes tyre ka mësues, policë, gra shtazëna dhe punonjës të administratës.
Të gjithë këta persona janë në pritje të marrjes së përgjigjes.
Burime bëjnë të ditur se përgjigjet e fundit të raportuara nga Ministria i përkojnë datës 10 Nëntor, raporton panorama.
Një ditë më parë ministria raportoi se në Gjirokastër u regjistruan 38 persona me Covid, ndërsa që nga fillimi i pandemisë në këtë qark janë infektuar 467 persona.
Ky problem nuk është vetëm në Gjirokastër, porn ë të gjithë vendin. Madje ka persona që e kanë marrë përgjigjen e tamponit pas 14 ditësh që janë pozitiv, kur ata realisht mund edhe ta kishin kaluar Covid-in.
Por marrja e përgjigjes me vonesë i kushtëzon ata duke i lënë në banesë edhe pse ata mund të mos kenë më Covid.
/GazetaReforma.com/
