Kruja është një nga vatrat më të mëdha të infeksionit me koronavirus ndërsa është regjistruar një rast i paprecedent.
Mjeku imazherist Ardian Mata dhe gruaja e tij, laborante në njësinë vendore të shëndetit publik, refuzojnë karantinimin, edhe pse kjo e fundit ka rezultuar pozitive dy javë më parë.
Ata vazhdojnë të paraqiten çdo ditë në punë edhe pse si mjekë e dinë sesa shumë rrezikojnë të tjerët.
Por s’janë mjaftuar me kaq.
Burrë e grua kanë dalë për të shëtitur, por dhe për të bërë blerje e për të pirë kafe, duke u bërë burimi i infeksionit për shumë njerëz të tjerë, sidomos pas lehtësimit të masave kufizuese nga qeveria.
Lidhur me ngjarjen kanë reaguar drejtuesit e spitalit që i kanë bërë një shkresë Komisariatit të qytetit që të bëjnë karantinimin e detyrueshëm të çiftit të mjekëve.
Në një video të publikuar nga “Report Tv”, mjeku shihet në ambientet e punës, teksa flet me dy punonjës të tjerë, pa ruajtur distancën sociale me njëri-tjetrin, madje njëri nga punonjësit nuk mban siç duhet edhe maskën.
Mësohet se bashkëshortja e mjekut, sot do të ritestohet dhe ditën e nesërme pritet edhe përgjigjja.
Me refuzimin e karantinimit, çifti Mata bën një vepër penale e cila ndëshkohet nga gjobë deri në burg.
Në këtë spital ka qenë për inspektim edhe vetë ministrja e Shëndetësisë Ogerta Manastirliu.
Fotot i ka shpërndarë vetë zyra e shtypit disa ditë më parë.
Në këto foto u pa se edhe ministrja Manastirliu nuk ishte e pajisur me maskë.
